ਸ਼ੀਤ ਲਹਿਰ ਵਿੱਚ ਮੰਤਰੀ ਬਲਕਾਰ ਦੀ ਬਲਿਊ ਫਿਲਮ ਨੇ ਰਾਜਪਾਲ ਹਾਊਸ ਕੀਤਾ ਗਰਮ, ਹੁਣ ਸੈਂਸਰ ਲਈ ਗਵਰਨਰ ਵੱਲੋ ਏਜੰਸੀ ਦੀ ਤਲਾਸ਼, ਅਕਾਲੀ ਦਲ ਹੋਇਆ ਸਰਗਰਮ

ਕੀ ਕਿਹਾ ਪ੍ਰੈਸ ਕਾਨਫਰਸ ਦੌਰਾਨ ਮਜੀਠੀਆ ਨੇ
ਪ੍ਰੈਸ ਕਾਨਫਰਸ ਦੌਰਾਨ ਮਜੀਠੀਆ ਨੇ ਕਿਹਾ ਕਿ ਉਨ੍ਹਾਂ ਨੇ ਇੱਕ ਮੰਤਰੀ ਦੀ ਨੀਲੀ ਵੀਡੀਓ ਉਨ੍ਹਾਂ ਦੇ ਕੋਲ ਹੋਣ ਦਾ ਦਾਅਵਾ ਕੀਤਾ ਸੀ, ਉਹ ਅੱਜ ਵੀ ਉਨ੍ਹਾਂ ਕੋਲ ਹੈ ਅਤੇ ਉਹ ਮੰਤਰੀ ਬਲਕਾਰ ਸਿੰਘ ਹੈ, ਪਰ ਉਹ ਆਪਣੀ ਜ਼ਿੰਮੇਵਾਰੀ ਨੂੰ ਸਮਝਦੇ ਹੋਏ ਇਸ ਵੀਡੀਓ ਨੂੰ ਜਨਤਕ ਨਹੀਂ ਕਰ ਸਕਦੇ। ਇਸ ਮਾਮਲੇ ਬਾਰੇ ਉਨ੍ਹਾਂ ਨੇ ਸੀ ਐਮ ਭਗਵੰਤ ਮਾਨ ਤੱਕ ਪਹੁੰਚ ਵੀ ਕੀਤੀ, ਅਤੇ ਉਨ੍ਹਾਂ ਨੂੰ ਫੋਨ ਵੀ ਕੀਤਾ ਸੀ ਪਰ ਉਨ੍ਹਾਂ ਨੇ ਸਾਡੇ ਨਾਲ ਕੋਈ ਰਾਬਤਾ ਕਾਇਮ ਨਹੀਂ ਕੀਤਾ ਭਾਵ ਮਿਲਣ ਬਾਰੇ ਨਹੀਂ ਦੱਸਿਆ। ਮਜੀਠੀਆ ਨੇ ਕਿਹਾ ਕਿ ਉਹ ਕਿਸੇ ਨੂੰ ਵੀ ਬਦਨਾਮ ਨਹੀਂ ਕਰਨਾ ਚਾਹੁੰਦੇ, ਕਿਉਂਕਿ ਇਹ ਵੀਡੀਓ ਜਿਸ ਮਨਿਸਟਰ ਦੀ ਹੈ ਉਸ ਦਾ ਵੀ ਪਰਿਵਾਰ ਹੈ ਅਸੀਂ ਨਹੀਂ ਚਾਹੁੰਦੇ ਕਿ ਪਰਿਵਾਰ ਨੂੰ ਵੀ ਕੋਈ ਠੇਸ ਪਹੁੰਚੇ, ਪਰ ਅਸੀਂ ਸੀ ਐਮ ਭਗਵੰਤ ਮਾਨ ਕੋਲ ਜਾ ਕੇ ਉਨ੍ਹਾਂ ਨੂੰ ਵੀਡੀਓ ਦਿਖਾ ਕੇ ਉਸ ਮੰਤਰੀ ‘ਤੇ ਕਾਰਵਾਈ ਕਰਨ ਲਈ ਕਹਿ ਰਹੇ ਸੀ, ਅਤੇ ਉਸ ਨੂੰ ਮਨਿਸਟਰੀ ਦੇ ਅਹੁਦੇ ਤੋਂ ਬਾਹਰ ਕਰਨ ‘ਤੇ ਉਸ ਪੀੜਤਾ ਦੀ ਗੱਲ ਸੁਣਨ ਅਤੇ ਮੰਤਰੀ ‘ਤੇ ਕਾਰਵਾਈ ਕਰਨ। ਪਰ ਅਖੀਰ ਹੋਇਆ ਇਹ ਕਿ ਸੀ ਐਮ ਭਗਵੰਤ ਮਾਨ ਆਪ ਖੁਦ ਇਸ ਮੰਤਰੀ ਨਾਲ ਰਲ ਗਏ। ਮਜੀਠੀਆ ਨੇ ਸਾਫ-ਸਾਫ ਇਹ ਕਿਹਾ ਕਿ ਉਨ੍ਹਾਂ ਦੀ ਮੰਗ ਸਿਰਫ ਇਹ ਸੀ ਕਿ ਸਾਡੇ ਕੋਲੋਂ ਉਹ ਵੀਡੀਓ ਲੈ ਲਓ ਅਤੇ ਉਸ ਮੰਤਰੀ ‘ਤੇ ਕਾਰਵਾਈ ਕਰੋ। ਪਰ ਭਗਵੰਤ ਮਾਨ ਅਤੇ ਕੇਜਰੀਵਾਲ ਨੇ ਆਪਣੇ ਅਨਮੋਲ ਹੀਰੇ ‘ਤੇ ਕੋਈ ਕਾਰਵਾਈ ਨਹੀਂ ਕੀਤੀ।

ਮਜੀਠੀਆ ਨੇ ਅੱਗੇ ਕਿਹਾ ਕਿ ਇਹੀ ਹਾਲ ਮੰਤਰੀ ਲਾਲਚੰਦ ਕਟਾਰੂਚੱਕ ਦੇ ਮਾਮਲੇ ‘ਚ ਹੋਇਆ। ਜਿਸ ਦੀ ਇੱਕ ਨੌਜਵਾਨ ਨਾਲ ਵੀਡੀਓ ਸਾਹਮਣੇ ਆਈ ਸੀ। ਇਸ ਮਾਮਲੇ ‘ਚ ਐਸ ਆਈ ਟੀ ਵੀ ਬਣਾਈ ਗਈ ਅਤੇ ਜਿਸ ਨੇ ਕਟਾਰੂਚੱਕ ਨੂੰ ਕਲੀਅਰੈਂਸ ਦੇ ਦਿੱਤੀ ਅਤੇ ਅਖੀਰ ਜੋ ਨੌਜਵਾਨ ਪੀੜਤ ਸੀ ਅਤੇ ਨੌਕਰੀ ਦੇ ਝਾਂਸੇ ‘ਚ ਆ ਗਿਆ ਤੇ ਉਸ ਨਾਲ ਇਹ ਗਲਤ ਹੋਇਆ ਸੀ। ਅਖੀਰ ਉਸ ਨੇ ਸਟੇਟ ਤੋਂ ਡਰਦੇ ਹੋਏ ਆਪਣੀ ਸ਼ਿਕਾਇਤ ਵਾਪਿਸ ਲੈ ਲਈ।

ਉਥੇ ਹੀ ਉਨ੍ਹਾਂ ਨੇ ਕਿਹਾ ਕਿ ਅਗਲੇ ਮਾਮਲੇ ‘ਚ ਆਪ ਦੇ ਸਾਬਕਾ ਐਮ ਐਲ ਏ ਅਮਰਜੀਤ ਸਿੰਘ ਸੰਦੋਆ ਨੇ ਇੱਕ ਬੱਚੇ ਦਾ ਜਿਣਸੀ ਸੋਸ਼ਣ ਕੀਤਾ, ਉਹ ਪਹਿਲਾਂ ਵੀ ਕੈਨੇਡਾ ਗਿਆ ਅਤੇ ਮੋੜ ਦਿੱਤਾ ਗਿਆ ਅਤੇ ਇਸ ਵਾਰ ਫੇਰ ਰੋਲ ਲਿਆ ਗਿਆ ਅਤੇ ਉਸ ਨੂੰ ਵਾਪਿਸ ਮੋੜਨ ਦੀ ਥਾਂ ਐਸ ਐਸ ਪੀ ‘ਤੇ ਦਬਾਅ ਬਣਾ ਕੇ ਕਲੀਅਰੈਂਸ ਬਣਵਾ ਕੇ ਭੇਜਿਆ ਗਿਆ ਅਤੇ ਸੰਦੋਆ ਨੇ ਵਿਆਹ ‘ਚ ਹਿੱਸਾ ਲਿਆ। ਜਿਥੇ ਮੰਤਰੀ ਹਰਜੋਤ ਬੈਂਸ, ਸਪੀਕਰ ਕੁਲਤਾਰ ਸੰਧਵਾਂ, ਅਤੇ ਮੰਤਰੀ ਹਰਭਜਨ ਈ ਟੀ ਓ ਵੀ ਸ਼ਾਮਿਲ ਸਨ ਜਿਥੇ ਸਰਕਾਰ ਦਾ ਅਜਿਹਾ ਰਵਈਆ ਅਜਿਹਾ ਹੋਵੇ ਕਿ ਉਥੋਂ ਇਨਸਾਫ ਦੀ ਉਮੀਦ ਰੱਖੀ ਜਾ ਸਕਦੀ ਹੈ।

ਅੱਗੇ ਸ਼੍ਰੋਮਣੀ ਅਕਾਲੀ ਦਲ ਦੇ ਡਾ ਦਲਜੀਤ ਸਿੰਘ ਚੀਮਾ ਅਤੇ ਐਡਵੋਕੇਟ ਅਰਸ਼ਦੀਪ ਸਿੰਘ ਕਲੇਰ ਨੇ ਕਿਹਾ ਉਨ੍ਹਾਂ ਪੰਜਾਬ ਦੇ ਰਾਜਪਾਲ ਬਨਵਾਰੀ ਲਾਲਾ ਪੁਰੋਹਿਤ ਨੂੰ ਇਨ੍ਹਾਂ ਤਿੰਨ ਮੰਤਰੀਆਂ ਬਾਰੇ ਜਾਣਕਾਰੀ ਦਿੱਤੀ ਹੈ। ਇਸ ਦੇ ਨਾਲ ਹੀ ਅਮਨ ਅਰੋੜਾ ਬਾਰੇ ਵੀ ਸ਼ਿਕਾਇਤ ਕੀਤੀ ਹੈ ਕਿ ਜਿਸ ਮੰਤਰੀ ਨੂੰ ਅਦਾਲਤ ਵੱਲੋਂ ਸਜ਼ਾ ਸੁਣਾਈ ਗਈ ਹੋਵੇ ਕਿ ਉਹ ਮੰਤਰੀ ਦੇ ਅਹੁਦੇ ‘ਤੇ ਬਣੇ ਰਹਿਣ ਤਾਂ ਦੂਰ ਗੱਲ ਉਹ ਐਮ ਐਲ ਵੀ ਨਹੀਂ ਰਹਿ ਸਕਦਾ। ਕੀ ਉਸ ਦਾ ਰਾਸ਼ਟਰੀ ਝੰਡਾ ਲਹਿਰਾਉਣ ਵਾਜਬ ਹੈ ?

ਅਕਾਲੀ ਦਲ ਦੇ ਵਫਦ ਨੇ ਕਿਹਾ ਕਿ ਉਨ੍ਹਾਂ ਨੇ ਪੰਜਾਬ ਦੇ ਰਾਜਪਾਲ ਸ਼੍ਰੀ ਬਨਵਾਰੀ ਲਾਲਾ ਪ੍ਰੋਹਿਤ ਨਾਲ ਮੁਲਾਕਾਤ ਕਰਕੇ ਅਪੀਲ ਕੀਤੀ ਹੈ ਕਿ ਆਪ ਸਰਕਾਰ ਦੇ ਮੰਤਰੀ ਦੀ ਅਸ਼ਲੀਲ ਵੀਡੀਓ ਬਾਰੇ ਜਾਣਕਾਰੀ ਦਿੱਤੀ ਅਤੇ ਬੇਨਤੀ ਕੀਤੀ ਕਿ ਇਸ ਕਿਰਦਾਰ ਵਾਲੇ ਮੰਤਰੀਆਂ ਨੂੰ 26 ਜਨਵਰੀ ਗਣਤੰਤਰ ਦਿਵਸ ਮੌਕੇ ਰਾਸ਼ਟਰੀ ਝੰਡਾ ਨਾ ਝੁਲਾਉਣ ਦਿੱਤਾ ਜਾਵੇ।