ਦਾ ਐਡੀਟਰ ਨਿਊਜ. ਚੰਡੀਗੜ੍ਹ —– ਪੰਜਾਬ ਪੁਲਿਸ ਨੂੰ ਪੰਜਾਬ ਐਂਡ ਹਰਿਆਣਾ ਹਾਈਕੋਰਟ ਵੱਲੋਂ ਨਿਯੁਕਤ ਕੀਤੇ ਗਏ ਵਰੰਟ ਅਫਸਰ ਦੀ ਮਾਰਕੁੱਟ ਕਰਨੀ ਹੁਣ ਮਹਿੰਗੀ ਪੈ ਸਕਦੀ ਹੈ ਕਿਉਂਕਿ ਹੁਣ ਹਾਈ ਕੋਰਟ ਨੇ ਇਸ ਨੂੰ ਗੰਭੀਰ ਮਾਮਲਾ ਦੱਸਦਿਆਂ ਡੀਜੀਪੀ ਤੋਂ ਰਿਪੋਰਟ ਤਲਬ ਕਰਨ ਲਈ ਹੈ ਅਤੇ ਇਸ ਮਾਮਲੇ ਵਿੱਚ ਮੋਹਾਲੀ ਦੇ ਐਸਐਸਪੀ ਦੀ ਭੂਮਿਕਾ ਦੀ ਜਾਂਚ ਕਰਨ ਲਈ ਵੀ ਇੱਕ ਆਈਜੀ ਪੱਧਰ ਦੇ ਅਧਿਕਾਰੀ ਨੂੰ ਜਾਂਚ ਕਰਨ ਲਈ ਕਿਹਾ ਗਿਆ ਹੈ।
ਜਾਣੋ ਕੀ ਹੈ ਮਾਮਲਾ
ਇਸ ਸਬੰਧੀ ਮਿਲੀ ਜਾਣਕਾਰੀ ਅਨੁਸਾਰ 8 ਮਾਰਚ 2024 ਨੂੰ ਪੰਜਾਬ ਐਂਡ ਹਰਿਆਣਾ ਹਾਈਕੋਰਟ ਨੂੰ ਇੱਕ ਈਮੇਲ ਰਾਹੀਂ ਇਹ ਜਾਣਕਾਰੀ ਮਿਲਦੀ ਹੈ ਕਿ ਮੋਹਾਲੀ ਦੇ ਮਟੌਰ ਥਾਣੇ ਵਿੱਚ ਸਪੈਸ਼ਲ ਸੈਲ ਵਿੱਚ ਪਟੀਸ਼ਨਕਰਤਾ ਧਰਮਿੰਦਰ ਸਿੰਘ ਦੇ ਰਿਸ਼ਤੇਦਾਰਾਂ ਨੂੰ ਰੱਖਿਆ ਹੋਇਆ ਹੈ ਜਿਸ ’ਤੇ 20 ਮਾਰਚ ਨੂੰ ਪੰਜਾਬ ਐਂਡ ਹਰਿਆਣਾ ਹਾਈਕੋਰਟ ਦੇ ਮਾਨਯੋਗ ਜਸਟਿਸ ਐਨ.ਐਸ. ਸ਼ੇਖਾਵਤ ਨੇ ਇਸ ਨੂੰ ਹੈਬੀਅਸ ਕਾਰਪੋਸ ਪਟੀਸ਼ਨ ਮੰਨ ਲਿਆ ਅਤੇ ਮਨੋਜ ਕਸ਼ਯਪ ਨਾਂ ਦੇ ਵਿਅਕਤੀ ਨੂੰ ਇਸ ਮਾਮਲੇ ਵਿੱਚ ਵਾਰੰਟ ਅਫਸਰ ਨਿਯੁਕਤ ਕਰ ਦਿੱਤਾ ਅਤੇ ਉਹ 21 ਮਾਰਚ 2024 ਨੂੰ ਸਵੇਰੇ ਹਾਈਕੋਰਟ ਤੋਂ ਟੈਕਸੀ ਕਰਕੇ 10 ਵਜ ਕੇ 40 ਮਿੰਟ ਮਟੌਰ ਥਾਣੇ ਦੇ ਸਪੈਸ਼ਲ ਸੈਲ ਵਿਖੇ ਪਹੁੰਚ ਗਿਆ ਲੇਕਿਨ ਉੱਥੇ ਨਰਿੰਦਰ ਕੁਮਾਰ ਨਾਮ ਦੇ ਸੰਤਰੀ ਨੇ ਉਸ ਨੂੰ ਥਾਣੇ ਅੰਦਰ ਦਾਖਲ ਨਹੀਂ ਹੋਣ ਦਿੱਤਾ, ਜਦੋਂ ਉਸ ਨੇ ਇਹ ਦੱਸਿਆ ਕਿ ਉਹ ਹਾਈਕੋਰਟ ਵੱਲੋਂ ਨਿਯੁਕਤ ਕੀਤਾ ਗਿਆ ਵਾਰੰਟ ਅਫਸਰ ਹੈ ਤਾਂ ਉਸ ਵਖਤ ਇੱਕ ਨੀਲੀ ਸ਼ਰਟ ਪਹਿਨਿਆ ਹੋਇਆ ਵਿਅਕਤੀ ਮਨੋਜ ਕਸ਼ਯਪ ਪਾਸ ਆਉਂਦਾ ਹੈ ਅਤੇ ਉਸ ਨੂੰ ਇਹ ਕਹਿੰਦਾ ਹੈ ਕਿ ਉਹ ਐਸਐਸਪੀ ਸਾਹਿਬ ਨਾਲ ਗੱਲ ਕਰਨ ਅਤੇ ਇਹ ਗੱਲ ਕਹਿ ਕੇ ਉਹ ਅੰਦਰ ਚਲਾ ਜਾਂਦਾ ਹੈ, ਇਸ ਸਬੰਧੀ ਮਨੋਜ ਕਸ਼ਯਪ ਨੇ ਜਿਹੜੀ ਹਾਈਕੋਰਟ ਨੂੰ ਆਪਣੀ ਰਿਪੋਰਟ ਸੌਂਪੀ ਉਸ ਵਿੱਚ ਅੱਗੇ ਦੱਸਿਆ ਕਿ ਉਸ ਨੇ ਗੂਗਲ ’ਤੇ ਐਸਐਸਪੀ ਮੋਹਾਲੀ ਨੂੰ ਸਰਚ ਕੀਤਾ ਤਾਂ ਇਹ ਜਾਣਕਾਰੀ ਮਿਲੀ ਕਿ ਮੋਹਾਲੀ ਦੇ ਐਸਐਸਪੀ ਸੰਦੀਪ ਗਰਗ ਹਨ ਅਤੇ ਦਿੱਤੇ ਹੋਏ ਪਹਿਲੇ ਨੰਬਰ ’ਤੇ ਜਦੋਂ ਫੋਨ ਕੀਤਾ ਤਾਂ ਉਹ ਫੋਨ ਉਨ੍ਹਾਂ ਨੇ ਚੁੱਕਿਆ ਨਹੀਂ ਫਿਰ ਦੁਬਾਰਾ ਉਨ੍ਹਾਂ ਦੇ ਆਫਿਸ ਦੇ ਨੰਬਰ ’ਤੇ ਜਦੋਂ ਫੋਨ ਕੀਤਾ ਗਿਆ ਤਾਂ ਅੱਗਿਓਂ ਇਹ ਜਾਣਕਾਰੀ ਮਿਲੀ ਕਿ ਐਸਐਸਪੀ ਸਾਹਿਬ ਫੀਲਡ ਵਿੱਚ ਗਏ ਹੋਏ ਹਨ, ਇੰਨੇ ਨੂੰ ਜਦੋਂ ਮਟੌਰ ਥਾਣੇ ਵਿੱਚ ਇੱਕ ਗੱਡੀ ਦਾਖਲ ਹੁੰਦੀ ਹੈ ਤਾਂ ਕਸ਼ਯਪ ਉਸ ਗੱਡੀ ਦੇ ਨਾਲ ਹੀ ਅੰਦਰ ਦਾਖਲ ਹੁੰਦਾ ਹੈ ਤਾਂ ਇੱਕ ਦਮ ਚਾਰ ਕਮਾਂਡੋ ਆਣ ਕੇ ਉਸ ਨੂੰ ਘੇਰ ਲੈਂਦੇ ਹਨ ਅਤੇ ਕੁੱਟਮਾਰ ਕਰਦੇ ਹਨ, ਇੰਨੇ ਨੂੰ ਨੀਲੀ ਕਮੀਜ ਪਹਿਨੇ ਹੋਏ ਉਹ ਵਿਅਕਤੀ ਫਿਰ ਆਉਂਦਾ ਹੈ ਤਾਂ ਆਪਣੇ ਆਪ ਨੂੰ ਇੰਸਪੈਕਟਰ ਸ਼ਿਵ ਕੁਮਾਰ ਦੱਸਦਾ ਹੈ ਅਤੇ ਧੌਂਸ ਵਿੱਚ ਇਹ ਗੱਲ ਕਹਿੰਦਾ ਹੈ ਕਿ ਤੈਨੂੰ ਹੁਣ ਮੈਂ ਆਪਣਾ ਨੰਬਰ ਵੀ ਦੇਵਾਂ ਅਤੇ ਮਨੋਜ ਕੁਮਾਰ ਨੇ ਨੰਬਰ ਲੈਣ ਤੋਂ ਮਨਾ ਕਰ ਦਿੱਤਾ ਤਾਂ ਇਸ ਦੌਰਾਨ ਉਹ ਥਾਣੇ ਵਿੱਚ ਇੱਕ ਹੋਰ ਇੰਸਪੈਕਟਰ ਗੱਬਰ ਸਿੰਘ ਨੂੰ ਮਿਲਦਾ ਹੈ ਜਿੱਥੇ ਉਹ ਉਨ੍ਹਾਂ ਵਿਅਕਤੀਆਂ ਬਾਰੇ ਪੁੱਛਦਾ ਹੈ ਜਿਨਾਂ ਬਾਰੇ ਉਹ ਪਤਾ ਕਰਨ ਆਇਆ ਸੀ, ਇਸ ’ਤੇ ਉਸ ਨੂੰ ਥਾਣੇ ਵਿੱਚੋਂ ਇਹ ਜਾਣਕਾਰੀ ਮਿਲੀ ਕਿ ਧਰਮਿੰਦਰ ਸਿੰਘ ਦੇ ਰਿਸ਼ਤੇਦਾਰ ਉਥੇ ਮੌਜੂਦ ਨਹੀਂ ਹਨ ਅਤੇ ਉਸ ਨੇ ਮੌਕੇ ’ਤੇ ਥਾਣੇ ਵਿੱਚ ਆਪਣੇ ਨਾਲ ਬੀਤੀ ਕੁੱਟਮਾਰ ਦੀ ਘਟਨਾ ਦੀ ਇੱਕ ਡੀਡੀਆਰ ਦਾਖਲ ਕਰਵਾਈ ਅਤੇ ਸਾਰੀ ਰਿਪੋਰਟ ਹਾਈਕੋਰਟ ਨੂੰ ਸੌਂਪ ਦਿੱਤੀ।
ਹਾਈਕੋਰਟ ਨੇ ਦੱਸਿਆ ਇਸ ਨੂੰ ਗੰਭੀਰ ਮਾਮਲਾ
ਇਸ ਸਬੰਧੀ ਹਾਈਕੋਰਟ ਦੇ ਮਾਨਯੋਗ ਜਸਟਿਸ ਐਨ.ਐਸ. ਸ਼ੇਖਾਵਤ ਨੇ ਇਸ ਮਾਮਲੇ ਨੂੰ ਗੰਭੀਰਤਾ ਨਾਲ ਲੈਂਦਿਆਂ ਹੋਇਆ ਕਿਹਾ ਕਿ ਪੁਲਿਸ ਦਾ ਇਹ ਵਤੀਰਾ ਗੈਰਮਨੁੱਖੀ ਹੈ ਅਤੇ ਅਤੇ ਉਨ੍ਹਾਂ ਕਿਹਾ ਕਿ ਪੁਲਿਸ ਅਧਿਕਾਰੀਆਂ ਦੇ ਅਣਮਨੁੱਖੀ-ਘਿਨੌਣੇ ਅਤੇ ਅਪਰਾਧਿਕ ਵਿਹਾਰ ਨੂੰ ਹਲਕੇ ਵਿੱਚ ਨਹੀਂ ਲਿਆ ਜਾ ਸਕਦਾ ਇਸ ਤਰ੍ਹਾਂ ਦੇ ਕੁ-ਧਰਮ ਨੂੰ ਲੋਹੇ ਦੇ ਹੱਥਾਂ ਨਾਲ ਰੋਕਣ ਦੀ ਲੋੜ ਹੈ। ਉਨ੍ਹਾਂ ਇਹ ਵੀ ਕਿਹਾ ਕਿ ਇਸ ਵਾਰੰਟ ਅਫਸਰ ਨੂੰ ਹਾਈਕੋਰਟ ਵੱਲੋਂ ਲਗਾਇਆ ਗਿਆ ਸੀ ਅਤੇ ਉਸ ਨੂੰ ਡਿਊਟੀ ਕਰਨ ਤੋਂ ਰੋਕਿਆ ਗਿਆ ਅਤੇ ਜਿਹੜਾ ਵਿਹਾਰ ਉਸ ਨਾਲ ਕੀਤਾ ਗਿਆ ਇਕੱਲਾ ਅਪਰਾਧ ਹੀ ਨਹੀਂ ਬਲਕਿ ਹਾਈਕੋਰਟ ਦੀ ਕੰਟੈਮਪਟ ਵੀ ਹੈ ਅਤੇ ਨਾਲ ਹੀ ਉਨ੍ਹਾਂ ਨੇ ਪੰਜਾਬ ਦੇ ਡੀਜੀਪੀ ਨੂੰ ਹਾਈਕੋਰਟ ਵਿੱਚ ਇਹ ਹਲਫੀਆ ਬਿਆਨ ਦੇਣ ਲਈ ਕਿਹਾ ਹੈ ਕਿ ਇਸ ਘਟਨਾ ਵਿੱਚ ਕੌਣ-ਕੌਣ ਵਿਅਕਤੀ ਸ਼ਾਮਿਲ ਸੀ ? ਉਸ ਮੌਕੇ ’ਤੇ ਕੌਣ ਕੌਣ ਮੌਜੂਦ ਸੀ ? ਉਨ੍ਹਾਂ ਖਿਲਾਫ ਜੇਕਰ ਐਫਆਈਆਰ ਦਰਜ ਕੀਤੀ ਹੈ ਤਾਂ ਉਸ ਦੀ ਕਾਪੀ ਜਾਂ ਫਿਰ ਜਿਹੜੀ ਕਾਰਵਾਈ ਕੀਤੀ ਗਈ ਹੈ ਉਸ ਦੀ ਜਾਣਕਾਰੀ ਹਾਈਕੋਰਟ ਨੂੰ ਦਿੱਤੀ ਜਾਵੇ, ਇੱਥੇ ਹੀ ਨਹੀਂ ਹਾਈਕੋਰਟ ਨੇ ਇਸ ਮਾਮਲੇ ਨੂੰ ਵੀ ਗੰਭੀਰਤਾ ਨਾਲ ਲਿਆ ਕੇ ਐਸਐਸਪੀ ਦੇ ਆਫਿਸ ਦੇ ਟੈਲੀਫੋਨ ਉਠਾਉਣ ਵਾਲੇ ਵਿਅਕਤੀ ਜਿਸ ਨੇ ਹਾਈਕੋਰਟ ਦੇ ਵਾਰੰਟ ਅਫਸਰ ਨਾਲ ਕੋਪਰੇਟ ਨਹੀਂ ਕੀਤਾ ਅਤੇ ਨਾਲ ਹੀ ਇਸ ਸਾਰੇ ਮਾਮਲੇ ਸਬੰਧੀ ਹਾਈਕੋਰਟ ਨੇ ਡੀਜੀਪੀ ਨੂੰ ਹੁਕਮ ਕੀਤਾ ਕਿ ਉਹ ਇਸ ਮਾਮਲੇ ਦੀ ਜਾਂਚ ਆਈਜੀ ਪੱਧਰ ਦੇ ਅਧਿਕਾਰੀ ਪਾਸੋਂ ਕਰਵਾਉਣ ਜੋ ਕਿ ਖੁਦ ਇਸ ਮਾਮਲੇ ਦੀ ਜਾਂਚ ਕਰੇਗਾ ਅਤੇ ਨਾਲ ਹੀ ਉਹ ਆਈਜੀ ਮੋਹਾਲੀ ਦੇ ਐਸਐਸਪੀ ਸੰਦੀਪ ਗਰਗ ਦੀ ਭੂਮਿਕਾ ਦੀ ਵੀ ਜਾਂਚ ਕਰੇਗਾ ਅਤੇ ਨਾਲ ਹੀ ਇਹ ਆਦੇਸ਼ ਦਿੱਤਾ ਕਿ ਧਰਮਿੰਦਰ ਸਿੰਘ ਨੇ ਜਿਨ੍ਹਾਂ ਵਿਅਕਤੀਆਂ ਦਾ ਆਪਣੀ ਈਮੇਲ ਵਿੱਚ ਜਿਕਰ ਕੀਤਾ ਹੈ, ਜਿਸ ਨੂੰ ਪੁਲਿਸ ਚੁੱਕ ਕੇ ਲੈ ਕੇ ਗਈ ਹੈ ਉਨ੍ਹਾਂ ਨੂੰ 1 ਅਪ੍ਰੈਲ 2024 ਨੂੰ ਹਾਈ ਕੋਰਟ ਵਿੱਚ ਉਨਾਂ ਦੇ ਸਨਮੁੱਖ ਪੇਸ਼ ਕਰਨਗੇ।