ਦਾ ਐਡੀਟਰ ਨਿਊਜ਼, ਮੁੰਬਈ —– ਇੰਗਲੈਂਡ ਨੇ ਟੀ-20 ਵਿਸ਼ਵ ਕੱਪ ਵਿੱਚ ਆਪਣੀ ਪਹਿਲੀ ਜਿੱਤ ਦਰਜ ਕੀਤੀ। ਹਾਲਾਂਕਿ ਇੰਗਲੈਂਡ ਟੀ-20 ਵਿਸ਼ਵ ਕੱਪ ‘ਚ ਉਲਟਫੇਰ ਦਾ ਸ਼ਿਕਾਰ ਹੋਣੋਂ ਬਚ ਗਿਆ ਹੈ। ਇੰਗਲਿਸ਼ ਟੀਮ ਨੇ ਗਰੁੱਪ ਸੀ ਦੇ ਮੈਚ ਵਿੱਚ ਨੇਪਾਲ ਕੋਲੋਂ ਸਿਰਫ 4 ਦੌੜਾਂ ਨਾਲ ਜਿੱਤ ਮਿਲੀ। ਸੈਮ ਕੁਰਨ ਨੇ ਵਾਨਖੇੜੇ ਸਟੇਡੀਅਮ ਵਿੱਚ ਆਖਰੀ ਓਵਰ ਵਿੱਚ 10 ਦੌੜਾਂ ਦਾ ਬਚਾਅ ਕੀਤਾ।
185 ਦੌੜਾਂ ਦੇ ਟੀਚੇ ਦਾ ਪਿੱਛਾ ਕਰਦੇ ਹੋਏ, ਨੇਪਾਲ ਟੀਮ 20 ਓਵਰਾਂ ਵਿੱਚ 6 ਵਿਕਟਾਂ ‘ਤੇ ਸਿਰਫ 180 ਦੌੜਾਂ ਹੀ ਬਣਾ ਸਕੀ। ਲੋਕੇਸ਼ ਬਾਮ 39 ਦੌੜਾਂ ਬਣਾ ਕੇ ਅਜੇਤੂ ਰਿਹਾ, ਪਰ ਟੀਮ ਨੂੰ ਜਿੱਤ ਵੱਲ ਲੈ ਨਹੀਂ ਜਾ ਸਕਿਆ। ਦੀਪੇਂਦਰ ਸਿੰਘ ਐਰੀ ਨੇ 44 ਦੌੜਾਂ ਬਣਾਈਆਂ ਅਤੇ ਰੋਹਿਤ ਪੌਡੇਲ (39 ਦੌੜਾਂ) ਨਾਲ ਅਰਧ ਸੈਂਕੜੇ ਦੀ ਸਾਂਝੇਦਾਰੀ ਕੀਤੀ। ਕੁਸ਼ਲ ਭੂਰਟੇਲ ਨੇ 29 ਦੌੜਾਂ ਬਣਾਈਆਂ। ਇੰਗਲੈਂਡ ਲਈ ਲੀਅਮ ਡਾਸਨ ਨੇ ਦੋ ਵਿਕਟਾਂ ਲਈਆਂ। ਲੂਕ ਵੁੱਡ, ਜੋਫਰਾ ਆਰਚਰ, ਵਿਲ ਜੈਕਸ ਅਤੇ ਜੋਫਰਾ ਆਰਚਰ ਨੇ ਇੱਕ-ਇੱਕ ਵਿਕਟ ਲਈ।
ਇਸ ਤੋਂ ਪਹਿਲਾਂ ਇੰਗਲੈਂਡ ਨੇ ਟਾਸ ਜਿੱਤ ਕੇ ਬੱਲੇਬਾਜ਼ੀ ਦਾ ਫੈਸਲਾ ਕੀਤਾ ਅਤੇ 20 ਓਵਰਾਂ ਵਿੱਚ 7 ਵਿਕਟਾਂ ਦੇ ਨੁਕਸਾਨ ‘ਤੇ 184 ਦੌੜਾਂ ਬਣਾਈਆਂ। ਜੈਕਬ ਬੈਥਲ ਨੇ 55 ਅਤੇ ਹੈਰੀ ਬਰੂਕ ਨੇ 53 ਦੌੜਾਂ ਬਣਾਈਆਂ। ਨੇਪਾਲ ਲਈ ਦੀਪੇਂਦਰ ਸਿੰਘ ਐਰੀ ਅਤੇ ਨੰਦਨ ਯਾਦਵ ਨੇ 2-2 ਵਿਕਟਾਂ ਲਈਆਂ।