ਬਿਆਸ ’ਚ ਡੁੱਬੇ ਭਰਾਵਾਂ ਦੀ ਮਿੱਟੀ ਵੀ ਨਾ ਮਿਲੀ, ਪੱਗ ਰੋਲਣ ਵਾਲਾ ਪੁਲਸੀਆ ਪੈਰਾਂ ’ਤੇ ਨਹੀਂ ਪੈਣ ਦੇ ਰਿਹਾ ਪਾਣੀ

ਬਾਅਦ ਵਿੱਚ ਮਾਨਵਜੀਤ ਸਮੇਤ ਲੜਕੀ ਵਾਲਿਆਂ ਨੂੰ ਗੇਟ ਤੋਂ ਬਾਹਰ ਕਰ ਦਿੱਤਾ ਗਿਆ, ਇਸੇ ਦੌਰਾਨ ਐਸ.ਐਚ.ਓ.ਨਵਦੀਪ ਸਿੰਘ ਵੀ ਥਾਣੇ ਪਹੁੰਚ ਗਿਆ ਤਾਂ ਲੜਕੀ ਦੇ ਜੇਠ ਚਰਨਜੀਤ ਸਿੰਘ ਨੇ ਐਸ.ਐਚ.ਓ.ਦੇ ਕੰਨ ਵਿੱਚ ਫੂਕ ਮਾਰੀ ਤਾਂ ਉਸਨੇ ਉਸੇ ਸਮੇਂ ਕਾਸਟੇਬਲ ਭੇਜ ਕੇ ਗੇਟ ਤੋਂ ਬਾਹਰ ਖੜੇ ਮਾਨਵਜੀਤ ਨੂੰ ਇਹ ਕਹਿ ਕੇ ਬੁਲਾ ਲਿਆ ਕਿ ਉਸ ਨੂੰ ਲੈ ਕੇ ਆਓ ਜਿਹੜਾ ਸਾਨੂੰ ਕਾਨੂੰਨ ਪੜ੍ਹਾ ਰਿਹਾ ਹੈ, ਚਸ਼ਮਦੀਦਾਂ ਮੁਤਾਬਿਕ ਜਦੋਂ ਮਾਨਵਜੀਤ ਨੂੰ ਥਾਣੇ ਅੰਦਰ ਲਿਜਾਇਆ ਗਿਆ ਤਾਂ ਮੁਲਾਜਿਮ ਮਾਨਵਜੀਤ ਤੇ ਟੁੱਟ ਪਏ ਤੇ ਉਸ ਜਗ੍ਹਾਂ ਲੈ ਗਏ ਜਿੱਥੇ ਕੈਮਰੇ ਨਹੀਂ ਚੱਲਦੇ ਸਨ, ਇੰਨੇ ਨੂੰ ਉੱਥੇ ਐਸ.ਐਚ.ਓ.ਵੀ ਪਹੁੰਚ ਗਿਆ ਤੇ ਉਸ ਨੇ ਪਹਿਲਾ ਤਾਂ ਮਾਨਵਜੀਤ ਦੇ ਥੱਪੜ ਮਾਰੇ ਤੇ ਬਾਅਦ ਵਿੱਚ ਉਸਦੀ ਪੱਗ ਲਾਹੀ ਤੇ ਫਿਰ ਉਸ ਨੂੰ ਹਵਾਲਾਤ ਵਿੱਚ ਬੰਦ ਕਰ ਦਿੱਤਾ ਗਿਆ ਤੇ 107-151 ਦੀ ਕਾਰਵਾਈ ਕਰ ਦਿੱਤੀ ਗਈ।

ਦੂਸਰੇ ਦਿਨ 17 ਮਾਰਚ ਨੂੰ ਮਾਨਵਜੀਤ ਦੀ ਜਮਾਨਤ ਹੋ ਜਾਂਦੀ ਹੈ, ਜਦੋਂ ਵੱਡੇ ਭਰਾ ਦੀ ਪੁਲਿਸ ਵੱਲੋਂ ਕੀਤੀ ਜਲਾਲਤ ਬਾਰੇ ਮਾਨਵਜੀਤ ਦੇ ਛੋਟੇ ਭਰਾ ਜਸ਼ਨਪ੍ਰੀਤ ਸਿੰਘ ਨੂੰ ਪਤਾ ਲੱਗਿਆ ਤਾਂ ਉਹ ਗਹਿਰੇ ਸਦਮੇ ਵਿੱਚ ਚਲਾ ਗਿਆ ਤੇ ਆਪਣੇ ਭਰਾ ਦੇ ਗਲ ਲੱਗ ਕੇ ਬਹੁਤ ਰੋਇਆ, ਇਸੇ ਦੌਰਾਨ ਜਦੋਂ ਉਹ ਜਲੰਧਰ ਤੋਂ ਵਾਪਿਸ ਗੋਇੰਦਵਾਲ ਸਾਹਿਬ ਜਾ ਰਹੇ ਸਨ ਤਾਂ ਜਸ਼ਨਪ੍ਰੀਤ ਨੇ ਬਿਆਸ ਦਰਿਆ ਤੇ ਗੱਡੀ ਰੋਕ ਕੇ ਦਰਿਆ ਵਿੱਚ ਛਾਲ ਮਾਰ ਦਿੱਤੀ, ਮੌਕੇ ਦੇ ਚਸ਼ਮਦੀਦ ਮਾਨਵਜੀਤ ਸਿੰਘ ਢਿੱਲੋ ਦੇ ਬੇਹੱਦ ਕਰੀਬੀ ਦੋਸਤ ਮਾਨਵਜੀਤ ਸਿੰਘ ਉਪਲ ਜੋ ਕਿ ਉਸ ਸਮੇਂ ਉਨਾਂ ਨਾਲ ਸੀ ਨੇ ਦੱਸਿਆ ਕਿ ਮਾਨਵਜੀਤ ਨੂੰ ਜਦੋਂ ਪਤਾ ਲੱਗਾ ਕਿ ਜਸ਼ਨ ਨੇ ਛਾਲ ਲਗਾ ਦਿੱਤੀ ਹੈ ਤਾਂ ਉਸ ਨੇ ਬਹੁਤ ਉੱਚੀ ਆਵਾਜ ਆਪਣੇ ਭਰਾ ਨੂੰ ਮਾਰੀ ਤੇ ਨਾਲ ਹੀ ਪਿੱਛੇ ਛਾਲ ਮਾਰ ਦਿੱਤੀ। ਉਸ ਸਮੇਂ ਰਾਤ ਦੇ 7.30 ਵੱਜ ਚੁੱਕੇ ਸਨ, ਹਨੇਰਾ ਹੋ ਚੁੱਕਾ ਸੀ। 6 ਦਿਨ ਬੀਤ ਜਾਣ ਤੇ ਵੀ ਅਜੇ ਤੱਕ ਦੋਵਾਂ ਭਰਾਵਾਂ ਬਾਰੇ ਕੋਈ ਵੀ ਸੁਰਾਗ ਨਹੀਂ ਮਿਲਿਆ ਹੈ।

ਪੁਲਿਸ ਦੀ ਕਾਰਵਾਈ ਜੀਰੋ
ਜੇਕਰ ਅਜਿਹੀ ਘਟਨਾ ਕਿਸੇ ਹੋਰ ਨਾਲ ਹੋਈ ਹੁੰਦੀ ਤਾਂ ਪੁਲਿਸ ਨੇ ਹੁਣ ਤੱਕ ਪਰਚਾ ਦਰਜ ਕਰ ਦੇਣਾ ਸੀ ਲੇਕਿਨ ਇਸ ਮਾਮਲੇ ਵਿੱਚ ਪੁਲਿਸ ਨੇ ਹੁਣ ਤੱਕ ਕੋਈ ਕਾਰਵਾਈ ਨਹੀਂ ਕੀਤੀ, ਇੱਥੋ ਤੱਕ ਕੇ ਐਸ.ਐਚ.ਓ.ਥਾਣੇ ਵਿੱਚ ਤੈਨਾਤ ਹੁੰਦਿਆ ਮੀਡੀਆ ਨੂੰ ਲਗਾਤਾਰ ਜਿੱਥੇ ਸੰਬੋਧਨ ਕਰ ਰਿਹਾ ਹੈ ਉੱਥੇ ਉਹ ਜਲੰਧਰ ਦੇ ਮੀਡੀਆ ਦੇ ਇੱਕ ਵੱਡੇ ਹਿੱਸੇ ਨੂੰ ਆਪਣੇ ਹੱਕ ਵਿੱਚ ਭੁਗਤਾਉਣ ਲਈ ਲੱਗਾ ਹੋਇਆ ਹੈ।

ਸ਼ੁਰੂ ਤੋਂ ਵਿਵਾਦਾਂ ਵਿੱਚ ਰਿਹਾ ਇਹ ਐਸ.ਐਚ.ਓ.
ਨਵਦੀਪ ਸਿੰਘ ਜਿਸ ਨੂੰ ਇੱਕ ਹੈਂਕੜਬਾਜ ਪੁਲਿਸ ਅਧਿਕਾਰੀ ਦੇ ਤੌਰ ਤੇ ਜਾਣਿਆ ਜਾਂਦਾ ਹੈ, ਸਭ ਤੋਂ ਪਹਿਲਾ ਜਦੋਂ ਇਹ ਹੁਸ਼ਿਆਰਪੁਰ ਵਿਖੇ ਤੈਨਾਤ ਸਨ ਤਦ ਇੱਕ ਮਹਿਲਾ ਪੁਲਿਸ ਅਧਿਕਾਰੀ ਕਰਕੇ ਚਰਚਾ ਵਿੱਚ ਆਏ ਸਨ, ਦੂਸਰੀ ਵਾਰ ਫਗਵਾੜੇ ਵਿਖੇ ਇੱਕ ਸਬਜੀ ਵਾਲੇ ਦੀ ਰੇਹੜੀ ਨੂੰ ਲੱਤ ਮਾਰਨ ਦੇ ਮਾਮਲੇ ਵਿੱਚ ਚਰਚਾ ਵਿੱਚ ਆਏ ਸਨ, ਹੁਣ ਦੀ ਘਟਨਾ ਨੇ ਤਾਂ ਹੈਕੜਬਾਜੀ ਦੇ ਸਾਰੇ ਰਿਕਾਰਡ ਤੋੜ ਦਿੱਤੇ ਹਨ। ਇਸ ਦੌਰਾਨ ਨਵਦੀਪ ਨੇ ਮੀਡੀਆ ਨਾਲ ਗੱਲਬਾਤ ਕਰਦਿਆ ਆਪਣੇ ਤੇ ਲੱਗੇ ਸਾਰੇ ਦੋਸ਼ਾਂ ਨੂੰ ਸਿਰੇ ਤੋਂ ਨਕਾਰਿਆ ਹੈ।

ਐਸ.ਐਚ.ਓ.ਦਾ ਮਾਈ ਬਾਪ ਕੌਣ
ਸੂਤਰਾਂ ਤੋਂ ਮਿਲੀ ਜਾਣਕਾਰੀ ਅਨੁਸਾਰ ਇਸ ਤਰਾਂ ਦੇ ਰਵੱਈਏ ਵਾਲੇ ਪੁਲਿਸ ਅਧਿਕਾਰੀ ਨੂੰ ਲਗਾਤਾਰ ਵਧੀਆ ਥਾਣੇ ਮਿਲ ਰਹੇ ਹਨ, ਪਤਾ ਲੱਗਾ ਹੈ ਕਿ ਇਸ ’ਤੇ ਜਲੰਧਰ ਤੋਂ ਆਮ ਆਦਮੀ ਪਾਰਟੀ ਦੇ ਵਿਧਾਇਕ ਰਮਨ ਅਰੋੜਾ ਦੀ ਨਿਗ੍ਹਾ ਸਵੱਲੀ ਹੈ ਤੇ ਇਸ ਘਟਨਾ ਤੋੰ ਬਾਅਦ ਵੀ ਜੇਕਰ ਥਾਣੇ ਵਿੱਚੇ ਨਹੀੰ ਬਦਲਿਆ ਗਿਆ ਤਾ ਇਸ ਦੀ ਵਜ੍ਹਾ ਵੀ ਇਹ ਹੈ ਕਿ ਇਸ ਦੀ ਹਮਾਇਤ ਅਜੇ ਵੀ ਵਿਧਾਇਕ ਰਮਨ ਅਰੋੜਾ ਕਰ ਰਹੇ ਹਨ।